Magazeti ya leo September 4 2015

Magazeti ya leo sep 3 alhamis

Mashehe waliotekwa DRC waachiwa

SERIKALI ya Tanzania kushirikiana na Serikali ya Jamhuri ya Kidemokrasia ya Congo (DRC) zimefanikisha jitihada za kuachiwa huru mashehe wa Tanzania waliokuwa wanashikiliwa mateka na moja ya vikundi vya uasi huko Kivu Kaskazini.

Akizungumza na Waandishi wa Habari jana Katibu Mkuu wa Wizara ya Mambo ya Nje na Ushirikiano wa Kimataifa, Balozi Liberata Mulamula alisema kuwa taarifa za awali zinaeleza kwamba mashehe hao ambao walikwenda nchini DRC kwa ajili ya kuhubiri dini wameachiliwa huru na watekaji tarehe 01 Septemba, 2015.

Mulamula alisema kuwa kwa mujibu wa taarifa kutoka kwa Balozi wa Tanzania nchini Congo, Mhe. Anthony Cheche, Inasema Mashehe hao kwa sasa wamepelekwa Mjini Goma ambako taratibu za kukutana nao na kupata undani wao zitafanyika kabla ya taratibu za kuwarejesha nchini kufanyika.

"Tumepokea taarifa hizo njema za kuachiliwa huru kwa mashehe hao jana kutoka kwa Balozi wetu nchini Congo na leo Balozi Cheche anatokea Kinshasa kwenda Goma waliko Mashehe hao ambapo tutajua idadi yao kamili na masuala mengine ya muhimu kutoka kwao yatajulikana kabla ya kuanza taratibu za kuwarejesha nchini" alisema Balozi Mulamula.

Aidha, Balozi Mulamula alitumia fursa hiyo kuishukuru na kuipongeza Serikali ya Congo kwa ushirikiano wa hali ya juu waliouonesha hadi kufanisha Mashehe hao kuachiliwa huru wakiwa salama.

"Napenda kutoa rai kwa Watanzania wote wanaokwenda nje ya nchi kwa shughuli mbalimbali kuwasiliana na Balozi zetu kwa kutoa taarifa zao ili wasaidiwe pale wanapopatwa na matatizo kwani ni jukumu la Balozi kulinda maslahi ya Tanzania na raia wake katika nchi wanayoiwakilisha, tumieni Wizara na Balozi zetu kwani ni jukumu letu", alisisitiza Balozi Mulamula.

Kwenye mkutano huo ambao ulihudhuriwa pia na Mkurugenzi wa Idara ya Mambo ya Nje Zanzibar, Balozi Silima Haji Kombo alisema kuwa Serikali ya Zanzibar imefurahishwa na taarifa za kuachiliwa huru kwa mashehe hao ambao wanatokea Taasisi ya dini ya Tablighi ya Zanzibar.

"Tukio la kutekwa kwa mashehe hao lilikuwa la kushtusha na kufadhaisha, hata hivyo Serikali ya Jamhuri na ile ya Zanzibar zililichukua kwa uzito mkubwa kwa kuwa hawa ni Watanzania wenzetu na tunashukuru jitihada hizo zimezaa matunda kwa wenzetu hao kuachiliwa huru" alisema Balozi Silima.

Haya hapa magazeti ya leo sep..2 mdau wetu.

Yafahamu majibu ya maswali 6 aliyo ulizwa Dr.Slaa na waandishi wa habari.

ALIYEKUWA Katibu Mkuu wa Chama Cha Demokrasia na Maendeleo CHADEMA, Dr Wilbrod Slaa ametangaza kuachana na siasa na kusema atakuwa mtu binafsi asiye kuwa na chama lakini ataendelea kushiriki kwenye masuala yanayohusu siasa bila kuwa na uanachama wa chama chochote.

Haya ni maswali ambayo Dr. SLAA aliulizwa na waandishi wa habari na kuyajibu baada ya kipindi cha hotuba yake kumalizika hapo jana jijini Dar es salaam.. 

1. Umetangaza kustaafu siasa (na kuachana na siasa za vyama) na uka kadi mbili (ya CCM na CHADEMA). Je, nazo utazirudisha!?

Majibu: Kadi ni mali yangu. (sitairudisha)... Sijawahi kufanya kazi ya CCM.

2. Umesema waliopokelewa CHADEMA wengine ni makapi. Mwaka 1995 ulihama CCM. Je, nawe ulikuwa kapi!?

Majibu: Mimi sikuwa mbunge niliyekataliwa. Sikuwa mwenzao, sikuwa mla rushwa.. Kama ni kapi pima mwenyewe.

3. Ulituambia kuwa Lowassa angekuwa ni asset (kwa CHADEMA kwa vigezo ulivyoweka wakati wa kumkaribisha, angekuja na wabunge 50, wenyeviti wa CCM mikoa 22 na wenyeviti wa CCM wilaya 80). Je yangetimia hayo huu chafu wa Lowassa ungefutika!?

Majibu: Nilisema nina vigezo viwili (kumkubali Lowassa), kama ni Asset ama Liability. Baada ya kujiridhisha na hayo mnafanya tathmin. Angetimiza hayo..hakufanya yote.. sina la kulalamikiwa.

4. Unaonekana kumshambulia sana Lowassa. Je, hii ni baada ya kukosa nafasi ya kugombea Urais CHADEMA?

Majibu: Nilieleza mwanzo. Slaa hajagombea urais, unakasirikaje kama hujachukua fomu? Sina ugomvi wala chuki na yeyote. Sina ugomvi na Mbowe. Mbowe ni rafiki yangu, hata nyumba ninayoishi alinisaidia. mimi ni masikini.

5. Kwa kutumia mfano wako wa kwamba ukihamisha choo na kukiweka chumbani, harufu ya choo itabaki ile ile.
Wewe uliweza kutoka CCM na kubadili CHADEMA. Je, waliotoka CCM sasa kama wewe hawawezi kuibadili CHADEMA (kufuata kanuni na taratibu)!?

Majibu: Dr SLaa hakuwa mchafu. Tatizo sio kuhama chama. Hakuna tatizo kuhama chama.

6. Unadhani nani anafaa kuwa Rais kwa uchaguzi wa Oktoba 25, 2015!?

Majibu: Nimeeleza tu taifa litakuwa na madhara gani huyu (Lowassa) akiwa Rais. Watanzania waache ushabiki ambao baadae watajuta. Sikuja kumtetea mtu... Kama utetezi wangu utakuwa wa upande fulani, sina namna nyingine ya kueleza.